鍾嘉欣近期拍緊無綫新劇《搜神傳》，喺戲入面做妖精角色，之前都見過佢好多唔同造型，但噚日就以一個良家婦女裝扮上陣，喺將軍澳電視廣播城拍攝。被綁起嘅鍾嘉欣喺一大堆火團之中，只見團黑煙燻到佢滿頭大汗，真係戥佢辛苦，好彩啲工作人員對鍾嘉欣愛護有加，唔使埋位時即搵定個擋風位俾佢唞涼。 鍾嘉欣話：「之前拍呢套劇好多小意外，好彩今次順利，只係熱啲啫。」
