趙世曾前晚偕女友Wendy、兒子式浩及女兒式芝往君悅酒店出席愛彼錶晚宴，他笑言兒子有不少女友，並說：「多過我仲好！」再問他與Wendy會否結婚？趙世曾說：「我結咗婚好耐啦！」至於會否再做父親？他就得戚地說：「我能力好高，十七歲到今日都未變過。」
盧恬兒否認復合
趙世曾又表示要澄清傳媒多年來指他要女伴宴會後交還珠寶，他說：「嗰度好多係我媽咪嘅家傳首飾，我要幫我媽咪保留佢嘅最愛到最後一日。」
此外，早前有報道指盧恬兒與霍啟剛復合，前晚盧恬兒說：「絕對冇可能，見過鬼仲唔怕黑咩？」有傳霍啟剛與郭晶晶分手，問她會否感到心涼？盧恬兒說：「咁樣諗人好惡毒啫。」
採訪:梁錦雯 攝影:陳偉權