玉女同才子男友拍咗拖之後，一直處於半退休狀態，不過最近被人游說出山開演唱會。製作人特別搵咗個香港幾top嘅攝影名師同玉女影宣傳相，關仁聽聞呢個攝影師都唔平，不過搞完一大輪，玉女一聲話唔鍾意輯相，令製作單位損失成六位數字，製作單位好擔心玉女啲飛賣唔去，拿拿臨又搵另一攝影師幫佢影過輯相，唔少同佢合作過嘅人都話佢麻煩，仲話玉女outout哋，再開騷都危危乎喎。