波友梁漢文踢波咁耐都冇試過整親腳趾，反而早前喺大陸拍劇，有一場戲講佢同蘇永康鬧交，激氣得滯，一腳踢落張床度時就搞到腳趾公反甲，佢噚日出席喺銅鑼灣舉行嘅活動時，都拐下拐下。梁漢文話：「都唔知睇唔睇醫生好，塊腳甲吊住吊住。」最近本報做咗個街訪，佢同許志安就嚟出碟，大家都睇好佢多啲，佢話：「我都有睇過呢個報道，其實都係良性競爭，咁對手始終都係自己。」