張敬軒最近四圍宣傳佢隻新碟，不過捱病咗。噚日軒仔去新城電台接受訪問，見佢冇嚟精神，又不停咳，佢話：「三月病到𠵱家，前日去上海宣傳都要睇急症。之前喺香港有一晚哮喘病發作，去到醫院仲要喺屁股打針。」雖然捱到病，但都算有補償嘅，佢嘅作品《MyWay》入選內地「五個一工程」嘅獎項，軒仔話：「好開心，今個月二十六號會返廣州領獎。」