世界盃好快就殺埋身，除咗一眾波鞋大廠adidas、Nike、PUMA等等，一向畀人感覺係鬼佬「白飯魚」嘅Converse，原來靜雞雞都想食番個世界盃「尾糊」。趁世界盃未正式展開之前，一連推出幾款「國旗」系列鞋款，好等WorldCup熱一樣吹到落你隻腳。
記者：羅灝汶
攝影：林栢鈞
七國別注版
今次水貨到港嘅「國旗」限量版Converse，有英格蘭、阿根廷、巴西、挪威、牙買加、日本同德國，總共七個國家。雖然官方網站無話呢批鞋同世盃扯上關係，但唔知點解「咁啱得咁蹺」，最多鞋款正好就係世界盃主辦國德國。
今次推出的七國國旗鞋款，差不多玩齊Converse所有經典款式。照現時店舖定單計算，最多客訂購的是德國版JackPurcellGELeather，其次就係英格蘭嘅LeatherAllStarSPHI。呢批日本別注版，入貨店主講到明連日本當地都唔夠貨，相信好快又會俾一眾世盃狂迷搶購一空。
自揀冧色
查實今次Converse日本別注系列，剛剛於四月在日本上市。主題「Chooseyourcolors！」，講到明是Coverse自1908年創業以來，由於全球各地購入者眾，Converse由此取得靈感，乾脆把七彩繽紛的國旗（Colors）擺上鞋。
第1輪 上市玩盡德國
一出三款的德國國旗是皮版AllStarSPHI，鞋底鞋舌鞋踭全方位玩盡國旗三色。另有JackPurcellGELeather及OneStarGEOX款。同期上市還有巴西和阿根廷的AllStarSAHI，全鞋設計將國旗部份全方位體現，而鞋舌部份更繡上國旗所在國家名稱。另克羅地亞版亦在日本同期推出，但香港方面尚未引入。
第2輪 上市日英掛帥
日本旗AllStarJPHI原來曾於1996年在美國投產，但卻從未在日本發售，今次擺到明復刻上市。至於LeatherAllStarSPHI就玩晒全皮，雖然用色簡約，但一望就令人聯想到屬於英格蘭和德國的國旗設計同顏色。「Chooseyourcolors！」系列仲有埋歐洲三個意大利、荷蘭同烏克蘭的設計，不過水貨仍未在香港蒲頭。
街坊
Nike出朗拿甸奴手帶
近期Nike最流行嘅小飾物必定係運動手帶，個個球星都爭住戴，球王朗拿甸奴都有一條白、金別注膠手帶，仲要特別刻上「Ronaldinho」字樣，認真巴閉！有見及此，Nike一早為世界盃列強設計世界盃版手帶，當中有英格蘭、阿根廷、巴西、法國、意大利、葡萄牙、西班牙、荷蘭、美國、墨西哥同主辦國德國，另外同場加插朗拿甸奴顏色手帶，不過就冇咗Ronaldinho名字，只係印有「Football2006」。全套總共有12款世界盃手帶，最好笑係意大利同法國，因為佢哋嘅手帶顏色完全一樣，只不過有不同刻名，大家想捧邊隊就唔好搞錯喇！
HEADCOACH
地址：旺角彌敦道628號瓊華中心209室
電話：27710163
