【本報訊】立法會政制事務委員會昨天討論特首應否擁有政黨背景時，變相成為諷刺特首曾蔭權大會，泛民主派以曾蔭權與民建聯關係曖昧，只能暗中偷情為例，力撐應容許特首擁有政黨背景，民主黨前主席李柱銘更形容曾蔭權已成民建聯「契細佬」。
「做咗人哋契細佬」
民主黨、公民黨及自由黨成員昨天在政制事務委員會上一致指出，特區應該容許有政黨背景人士出任行政長官，認為候選人毋須在當選後退黨，其間泛民主派更將矛頭指向特首曾蔭權，指曾蔭權既然與民建聯偷偷摸摸建立關係，倒不如將關係正常化。
職工盟李卓人指，「曾蔭權去完人哋中委會，又去埋路向營，咁同入黨有乜分別？曖曖昧昧咁，不如正式行埋婚禮仲好啦。」公民黨湯家驊也指，曾蔭權夜訪民建聯後，該黨在添馬艦事件上轉軚，此舉極有問題，「唔能夠表面上話係婚嫁，但又只能暗中偷情，咁樣好似好唔光明。」民主黨前主席李柱銘更揶揄指，「𠵱家特首好似過契咗畀民建聯咁，做咗人哋契細佬。」
面對泛民主派連串嘲諷，民建聯也忍不住發炮還擊，副主席譚耀宗稱，「我本身都唔想講嘢，但聞到啲酸味、醋味好厲害，簡直係揦鼻。」他強調特首跟政黨溝通是自然不過，尤其民建聯在立法會擁有最多議席，「佢只係應邀同我哋見面；甚麼偷情（之說），我哋無呢個習慣。」