六合彩夢:中頭獎你會點?路人甲:受唔起,我會死!

六合彩夢:中頭獎你會點?路人甲:受唔起,我會死!

香港無人不識六合彩,三歲小孩到八十老嫗都知這遊戲玩法,沒錯!是遊戲,我想從沒有人視六合彩為賭博,給$5填注飛就當玩次幸運大抽獎。拜這份稿所賜,做了20年人的我第一次買六合彩,自問:「如果中咗頭獎,我會點?」買車買樓?環遊世界?還是立即辭工?白日夢人人曉發,但有路人甲卻發得特別無厘頭,話中頭獎會受唔起,驚會即刻死喎。

記者:曾冠輝 
攝影:林栢鈞

$5買個夢

六合彩之所以普及,我想不能歸功於馬會的市場推廣策略,而是吸引在$5可以買到個夢想,$5買豪宅、$5環遊世界……沒錯好夢難圓,但填了飛落了注就總有圓夢機會,而且機會人人均等。第一次入投注站,感覺好奇,門口守衞叔叔打量我一眼,居然心怯了一怯,再想自己已20歲進入成人世界,怕甚麼,就押$5買一注,算是嘗嘗成人玩意。還未攪珠,腦裏居然不停地想:「3,000萬從天而降,點使?」單幻想,已過癮,還可與朋友無聊發噏風:「喂,如果你中咗六合彩會點?分一半畀我吖!」這白日夢,確實抵發。

■每逢六合彩開彩日的下午,投注站都總會人頭湧湧,堆滿排隊買夢的人。

點揀6個號碼?

買夢,都要填飛,各人有各人的心水號碼,無心水?不妨買部攪珠機、上網,甚至買本擺明呃錢的六合彩天書幫幫手。

■Fiona:「加減乘除自己同男友生日日期,我3月3日生日,將3乘2再乘嗰個月月份,就大細冧巴都有齊。」

■阿石:「我鍾意買有7同9字嘅冧巴,貪佢似我吖嘛。」

■Kenneth:「三圍數字。」好,簡單直接!

1.攪珠機$38

這部攪珠機其實是用來玩Bingo的,有90個號碼珠仔,老闆話:「拎走幾粒珠仔咪一樣!」雖然要手動攪珠,不過力不到不為財,給點誠意出力攪啦!

金輝玩具(23903337)

2.模擬攪珠

嫌部攪珠機阻碇?不妨上網模擬攪珠結果,攪出你的幸運號碼,碰碰運氣照買啦。(網址: http://www.hongkong.com/cgi-bin/marksix/marksix.pl)

3.睇《六合至尊》$48

頭腦清醒者別看此段!報紙檔有本《六合至尊》,由白小姐加曾道人提供六合彩貼士,低能!現在甚麼年代?一幅二幅附號碼的甚麼玄機圖附例牌一句:「看不通此圖,因為觀者無慧根。」這些馬後炮我都曉,書一點不便宜賣$48,倒不如省回買書錢,買多幾注六合彩好過。

中頭獎點使錢?

■熙:「嘩!咁多錢,俾我中咗真係唔知點,我諗我會死,因為受唔起。」

■Keong:「捐晒畀理工大學,不過會留番$5買下一期,再中先留番畀自己用。」

■Lawrence:「唔,我會買番兩三個小島畀香港政府,成為首個香港殖民地。」

■Peter:「我鍾意賭馬,我諗會不停咁買3T,最後會輸番畀馬會。」

■Rick:「喺旺角行人專用區買番個舖位,每個月唔使點做都有十幾萬落袋。」

■Elaine:「畀一半屋企人,四分一捐畀人,其餘就儲起佢先,諗到點用先用。」

■胡小姐:「唔使講,即刻買番間4,000呎豪宅,再買多幾幢拎去炒㖭。」