呢隻時裝女狼MelodieWolf，第一眼相遇係響蘇黎世「最時裝」嘅SelectShopfidelio，一向去開外地都有留意生面口牌子嘅習慣，尤其去開非時裝城市，當地會有更多聽都未聽過嘅牌子，不為購物慾，只是職業病發作，好似差人時不時要抄牌一樣。
Wolf嘅耍家本領係玩針織，從來少掂針織項目，怕着肥人，但係Wolf嘅Silhouette長長鬆鬆咁似幾易着，尤其圖中這件日本版《Nylon》都有影嘅黑白針織，大Print得來唔Loud，喺fidelio見到覺得幾好，一睇$$要成五百瑞士法郎立即卻步，對新牌子（自己而言），一出手就三千幾過唔到自己個關，緣盡啦以為。
返香港Check「貓」，發現今季D-mop新入，細睇Bio原來呢隻狼來自巴黎，先後當過Kenzo、AndreWalker助手，仲做過IsabellaBlow嘅Stylist，在巴黎名店KokonToZai及MariaLuisa有得賣，連百貨公司「老佛爺」都有影，以前自己唔為意啫，不過亦無因為咁馬上仆去D-mop昅吓有無入自己睇中嗰件。忽然間諗起Wyman寫過，異地情緣總要喺異地才能發生，大家同處一地，唔知點解嗰吓火花就沒了，呢位時裝精講嘅嘢，真係好中。
