「BB遊車河最大件事係換屎片，有個平滑地方、媽咪又要夠位伸手，等我瀨篤屎試吓先…咦，OK喎，換完爬去車尾攞玩具。」
記者、攝影：陳偉林
ImageBoys：陳灝宏、陳灝廷、陳灝言
「阿哥呀，啲人成日講部七人車點好，都唔問吓我哋乘客嘅意見，老竇話LafestaDeluxe版好有家庭Feel喎，試吓囉。」
「個樣四四方方，好似我張BB床咁見地方玩，我諗佢係另一部Cube嘅放大版。」
起初以為只係普通車一架，殊不知原來做座上客的感覺不太一樣，呢部Lafesta好似Cube的放大版咁，平面方角的造型，未必有高收視率，但結果係呢部車個低矮又別致的賣相，獲得唔少人撐場，部車加埋雙趟門組合，仲好方便進出車廂；至於老竇就認為，低斜的車鼻設計有利駕駛者有遼闊的視野外，有廣角設計的大燈，響夜間行車將兩邊照得更透徹，普羅車主又使乜話一定要裝有幾千K色溫嘅Xenon燈呢！再者，部車唔似得一般高頭大馬的MPV車，重心低啲，駕駛起來亦平穩得多。
「細佬，部車咁齊料，又可以由前座Walk-through至後排，咁我哋點玩都得喇。」
早前老竇也借過一部新款的家庭式MPV車，但車本身除有前排冷氣送風口外，中、後排竟然完全不設風口裝備，在極之悶熱的天氣下，坐於中、後排的三兄弟，只好要求負責駕駛的老竇將冷氣開大，但坐在前排的媽咪卻大叫快要凍僵，真係不明該車的設計師，是否長居於冷氣工作間而不知乘客的實際需要，就算內置甚麼高級音響亦只會徒然。反之，呢部Lafesta不但備有前、中排的送風口，中控台還頂置一排向上的送風柵格，只要按下掣鍵大可將冷風從車頂送至尾排乘客間，而車本身內置自動ION負離子空氣淨化功能，真係要佩服設計者有咁縝密的心思呢！除後排可完全收摺成寬敞的尾箱載物空間，我三兄弟好欣賞Lafesta前排乘客椅背，可收摺成另一張桌几或腿墊更應記一功，當然那個幾成天幕式（1,500mm×780mm）的玻璃車頂，可謂冠絕同儕，暫時同級車中都找不到有第二部。
「慳油CVT波箱，媽咪開車唔會溜後，我都無咁驚。」
駕開房車的老竇轉駕呢部7座位的家庭式MPV車，真係好有一份新鮮感，雖然部車仍有日產車偏舒服的軟避震，彎路有較大傾側，但新車的吸震性同咬地力卻有很大改善，來得踏實同有支持力；之不過給我們最深刻印象，是在FullLoading的載重下，引擎扭力輸出仍源源不絕，尤其在按下Sport模式，突如其來的爆炸力，真係唔講得笑呢！
老竇話最值得一提係時下不少車跟Lafesta一樣轉用CVT波箱，取其順暢又有慳油的特性，唯一用家要留意是Lafesta內置扭力器輔助，雖然燃油會耗損多一點，但好處在於斜路不會令部車有溜後或前衝，有恍如空波時的危險出現。
Lafesta一套電子ABS加EBD及BA的主動式制動系統，夠敏感之餘又見反應敏捷，最低限度唔會令一眾乘客有前俯後仰的場面發生；至難得係在咁有限的車廂空間，部車的隔音能力會咁出色，途中我不時從駕駛席聽到頑皮的細佬，在車尾傳來陣陣的歡笑聲。
供車計算機
車價：$189,800
首期：$21,016（10%）
利率：6%
年期：4年
每月供款：$4,840×48期
（以HirePurchase計算）
牌費：$5,894
保險：$12,322（以0NCB計算）
日產LafestaDeluxe規格
引擎：1997cc直4DOHC
馬力：137ps/5200rpm
扭力：20.4kgm/4400rpm
傳動：XtronicCVT自動波
售價：$189,800
車輛提供：合誠汽車（22621088）