倫永亮的紅館個唱下周五開鑼,他連日埋首綵排,日前與李國祥在全港獨有價值八十五萬的小丑琴前練習。對於盛傳表演嘉賓林憶蓮再度懷孕,倫永亮即代好友否認,並指憶蓮好打過自己,應付演出絕對沒有問題。
倫永亮下周五和周六在紅館舉行一連兩場個人演唱會,在圈中人緣頗佳的他,宣布開騷後,好友林憶蓮、呂方、陳奕迅、葉德嫻、陳寶珠、張敬軒、詹瑞文、李國祥和陳潔靈等紛紛答允撐場。倫永亮和李國祥日前在黃埔一間琴行綵排,他們在一座價值八十五萬、全世界只有十一座、而香港則只此一家的小丑琴前練習,二人都十分投入。
合唱意大利歌
最近有傳林憶蓮再度懷孕,問到可會擔心她的體力應付不到舞台上的演出?倫永亮即說:「憶蓮有咗肯定係流料,我一啲都唔擔心呢個女人,佢嘅體力好打過我。憶蓮答應演出,肯定為我嘅演唱會增添唔少色彩,因為佢係一個具備聲色藝嘅superstar。」
倫永亮準備與林憶蓮夾甚麼歌?他說:「距離演唱會仲有一星期,成日催佢畀歌我,佢遲遲都猶豫不決,呢個亦係憶蓮嘅習慣,佢之前同我提過話合唱意大利歌,我真係俾佢嚇死,我又唔識意大利文,練習其他語言嘅歌需要時間,我𠵱家仲等緊回覆。」
體力透支暈倒
此外,倫永亮為了以最佳狀態會歌迷,他近日積極進行練氣和健身,他說:「我年初仲開始轉食素,不過可能我又做運動,所以體力消耗較大,之前試過暈倒,𠵱家開始食啲有營養嘅食物補充體力。」
採訪:比華利 攝影:陳俊強
場地:柏斯琴行