第十五屆香港舞台劇獎頒獎禮前晚在大會堂舉行，鄭少秋、湯盈盈、周麗淇等擔任頒獎嘉賓，鄭少秋不忘大賣廣告，表示將於暑假同陳寶珠合作古裝舞台劇《天之驕子》。他並自爆在二十歲時曾於荔園演出話劇，他說：「嗰時喺荔園做話劇同觀眾有交流，因為一做得唔好，啲觀眾會星星月亮咁鬧。舞台劇最大壓力係冇得NG，同埋要用兩個月時間去排，收入會少咗。」
盈盈唔識中文
周麗淇亦坦言好有興趣演舞台劇，希望鍾景輝可以考慮她。而湯盈盈在頒獎時因不太懂看中文字，讀至錯漏百出，要旁邊的倫永亮幫手宣讀，她笑說：「我自己啲中文真係好差，識好少嘅單字，自己個名就識睇。」
採訪：何永寧
攝影：仇志德