儘管聶國強在很多人心目中，未必是百分百的乖乖仔，但他始終是聶伯夫婦養子，亦是兩老畢生的寄望。奈何四十五歲的強仔，日前被發現在牛頭角居所附近一處山坡倒斃，初步懷疑他是貪快想走捷徑，結果失足跌死。聶伯夫婦老來喪子，悲痛欲絕，並且為殮葬費憂心不已。
黃昏時分，聶伯正偕妻用膳，記者眼見兩人只草草扒過幾口，便把碗筷放下，喪子之痛，令兩老根本食不下嚥。「邊食得落吖，養到個仔咁大，無端端跌死咗，你話我個心有幾痛呢！」聶伯說着，禁不住老淚縱橫。
八十五歲的聶伯說，他三十多歲娶妻，由於夫婦多年來也無所出，故決定「過契」其胞兄所生的幼子聶國強為兒子，從強仔呱呱落地至今，便一直跟隨聶伯生活，兩人亦以父子相稱。
養兒防老卻先行一步
八十二歲的聶妻續稱︰「強仔都知道自己身世，但佢同親生父母冇感情，所以冇乜聯絡，咁多年供書教學，都係由我兩公婆負責。」
強仔為人雖然粗心大意，但卻很孝順，聶伯泣訴︰「我個仔雖然有好多缺點，但佢最大優點就係孝順，好多時夜晚返嚟，佢都會買粥、買豬腸粉畀我哋做消夜，𠱁我兩老開心。」
聶伯夫婦不諱言，他們思想守舊，收養強仔無非是想養兒防老，萬料不到兒子會比他們先行一步。
本月七日早上，四十五歲的強仔吃過早餐後，離開牛頭角樂華南邨寓所，惟至晚上也未有返家。「強仔之前冇講低去邊，不過佢甚少喺外邊過夜，如果真係唔返，亦會事先打個電話畀我，但嗰晚完全冇佢消息，我已經好擔心，估唔到佢真係出事。」聶妻說。
頭撞石屎渠血流披面
翌日早上，有街坊發現一名男子倒卧在牛頭角樂華南邨喜華樓對開山坡，上半身躺在一呎深的去水渠內，頭部撞在石屎渠邊，血流披面，救護員接報到場，證實他已死亡。
由於該男子身上沒有身份證明文件，警方無法聯絡其家屬。
另一方面，聶伯夫婦因為久久未見強仔歸家，遂於本月九日到警署報案，兩老在警方安排下，終認出倒斃山坡的男子，正是他們的兒子強仔。
聶妻稱，上述路段可通往牛頭角市中心，強仔亦曾經帶她走過一趟，惟因山路難行，她也勸告過兒子不要走此捷徑，聶妻懷疑強仔日前又是貪圖快捷，結果踏上不歸路。
捐款編號︰C1745
蘋果投訴熱線：29290000
社會服務熱線：29908288
傳真：23702192
電郵：[email protected]
