哈！日產呢期真係紅喎！除咗旗下嘅Cefiro做咗金管局和運輸署等政府高官座駕之後，掛住AM政府車牌通街行嘅Tiida數目也突然上升，除咗消防處之外，擁有最多Tiida嘅相信會係警務處，點解？因為已經有為數約40部進駐了警察車隊中，據聞部份是貼上了警隊車花的軍裝Version，同時也有普通的便裝Version，用來取代一些年事已高的警車去執行巡邏任務。市民大眾對新警車有咩反應？咪就係話佢好型囉！
原來Tiida也加入了傳媒車隊行列，究竟係邊間報館呢？咪就係我哋《蘋果日報》囉！早前已聽同事講，話已經見到有貼上公司嘜頭嘅Tiida喺代理位於九龍灣嘅大本營出現，但一直未見蹤影，直至前日跟同事取車外出工作時，才在公司的停車場相遇。好，等我得閒去問吓突發啲同事，本田Civic、豐田Corolla定係日產Tiida好揸啲先。
記者：鄭達基