兒童基金（TCI）入股效應，咁耐以來發揮得最明顯的，老實講只有領匯（823），其他股份小初就覺得乏善足陳，而佢快速減持廈門港務（3378）嘅行動，更將隻股震散。
經紀黃提醒小初，話獲得兒童基金睇中的保華集團（498），唔驚唔覺已經升咗好多。雖然保華集團係查理士．陳系公司內的重要成員，但大股東近年唔想介入管理，轉任非執行董事，放手畀其他人管理，而保華集團喺江蘇洋口港發展項目，除咗兒童基金外，亦為其他芬佬受落，所以股價先至可以企到咁硬。
最近有間外資行同保華管理層去咗美國做推介會，聽聞反應良好，雖然現價唔平，但仍然有上升水位。
市場一直傳聞有間大型內地企業，打算租用洋口港做液化天然氣貯存庫，如果消息落實，又係新一輪炒作藉口。
保華集團昨日股價上升3.31％，收市報3.125元，成交股數414萬股，金額1273萬元。
慕容小初