鄭少秋昨日偕無綫劇《潮爆大狀》一眾演員探訪老人院，對於被拍到在家除假髮現禿頭一事，秋官未有動怒，更表示戴假髮除為貪靚外，亦與面相有關。秋官自言當年因用錯電鬚刨剃頭，最後令頭髮稀疏，但自讚戴假髮比真髮更好看。
鄭少秋、陳鍵鋒、蘇玉華及湯盈盈等一眾《潮爆大狀》演員，昨日探訪觀塘一老人院，眾人與老人家大玩遊戲及派禮物，十分盡興。秋官日前雖被拍到在家除假髮後的禿頭真面目，他昨日心情依然大好，並笑言自己並非首個被偷拍對象，戴假髮只為貪靚。
原來秋官十多年前已戴假髮，他說：「本身頭髮比較幼，為咗拍劇剃光頭又黐頭套，點知我用錯電鬚刨剃，最後搞疏晒。我第一日戴假髮時，啲工作人員都知啦！我仲覺得好過以前啲真頭髮，咁我都係為咗出嚟嘅效果靚啫。」
向官晶華道歉
秋官自言戴假髮除貪靚外，亦因為面相，他說：「如果我剃光頭，顯得我頭又細，加上我本身屬木要有啲枝葉，所以為咗有水，一定要扮靚靚啦！」
雖然秋官表示不介意被影到戴假髮，但對於在家中被偷拍感到十分不悅，他說：「以前香港喺後巷用望遠鏡望人屋企，都可以告偷窺罪，點解𠵱家啲法律會變成咁？係咪真係法制方面唔夠完善呢！以前我覺得屋企係避風港，點知都避唔到，仲翻風落雨。我自己都冇辦法，只可同太太講聲對唔住。」對於太太官晶華被指惡妻，秋官笑說：「我成日都係咁溫馴，所以先咁多女人鍾意我呢啲咁乖嘅男仔。」
採訪：王崇穎 攝影：陳俊強
