關心妍（右二）同鄧健泓噚日到港台接受訪問，關心妍早前曾經透露同男友嘅關係正進入冷靜期，噚日馮仁昭問到佢哋𠵱家嘅情況時，關心妍竟然話自己都唔知道，仲話要忙完搬屋先諗喎！原來關心妍近期因為搞搬屋嘅嘢，搞到兩頭唔到岸，新屋同舊屋都唔可以住人，搞到佢變成無家可歸，最後只好租住酒店式住宅嚟解決問題。