董敏莉（Monie）是家中的孻女，自小備受溺愛，童年時最愛欺負哥哥，經常咬他，又藏起他的書本，十分百厭。一次董媽媽為懲罰寶貝女，就把Monie最愛的咖喱薯片倒進垃圾桶內。饞嘴的Monie竟然偷偷翻垃圾桶摷薯片吃，大讚好味！
董敏莉的姊姊和哥哥分別比她年長十一年及七年，身為孻女自小已甚得家人疼愛，在家中橫行霸道。
不過這位董家三小姐也真有性格，只會鎖定比她年長七歲的哥哥為攻擊和欺負對象，Monie笑說：「唔知點解，由細到大我都只係鍾意整蠱阿哥，我成日咬佢㗎，咬到佢都怕咗我喇！」
藏起哥哥書本
Monie的哥哥除了受盡皮肉之苦外，還要陪太子讀書，被迫跟這位頑皮三小姐玩尋寶遊戲，Monie一臉得戚地說：「我專吼阿哥唔為意，就收埋佢啲教科書，有次佢搵緊嗰陣，我特登唔話佢知收咗喺邊，之後媽咪就買過一本新嘅畀佢，到嗰陣我先拎番本舊嘅出嚟，結果當然係俾媽咪打咗一身啦！」
小忌廉通屋走
由於Monie從小已經十分饞嘴，有次她為了一嚐最愛的咖喱味薯片，竟然吃垃圾！Monie笑說：「有次媽咪為咗罰我，就開咗一包我最鍾意嘅咖喱薯片，喺我面前倒晒落垃圾桶。我就等媽咪瞓晏覺嗰陣喺垃圾桶執番啲薯片出嚟食，不過唔可以食晒，一定要食剩少少，如果唔係就會俾媽咪發現！」
○四年，Monie進軍樂壇，原來從小她已經很有表演慾，經常充當歡樂小姐，在家中表演唱歌跳舞，拿手本領就是模仿卡通人物小忌廉，她說：「嗰陣家姐整咗套衫畀我，我就加埋小忌廉變身用嗰個小星環喺度載歌載舞喇！」
採訪：李珮洳
部份圖片提供：董敏莉
