Blu-rayDisc（BD）憑光碟記錄密度提高，雖可令容量達至50GB，但後遺症係容錯能力大幅減低，即係少少刮花已難以讀取，更遑論燒錄，所以目前公布嘅BD產品，都在光碟外層以卡匣式包着，好好保護BD表面，情形就像MD同UMD一樣。
TDK在日本剛推出嘅可燒錄式BD，就大膽地採用無匣式設計，全因開發出一種名為DURABIS2嘅防刮花技術。而記錄層更採用高感度相變化材料，具備高穩定性同低錯誤率等優點，可重複寫入達1萬次以上。25GB容量BD已在日本推出，燒錄一次DB售價約港幣$130，可複寫BD則約港幣$180。
由於整隻碟構造不同，無匣式BD只對應將推出之專用播放機（如PS3）或個人電腦，將面世之有匣式播放機就不能兼容。
記者：徐影龍
相關網址：www.tdk.co.jp/tjaah01/aah59000.htm