側田前晚在紅館開騷，周汶錡再次擔任表演嘉賓，她穿拖鞋出場，不再像上次個唱般弄致腳板烏卒卒，周汶錡的衣着還比上次性感，看得側田甩嘴兼忘記走位。
側田上月在紅館舉行一場處男個唱，反應熱烈，前晚開始加演兩場「JustinTwoGoodShows」，全場爆滿，楊千嬅、周汶錡及傅穎繼續擔任表演嘉賓，上次周汶錡赤腳出場，弄致腳板烏卒卒大煞風景，前晚她先穿拖鞋出場，坐在椅子上才除去，以免再弄污腳板。
「件衫勁過上次」
周汶錡身穿性感bratop薄紗裙亮相，本來身形勻稱的她，上圍忽然如導彈般厲害，事後側田表示被周汶錡的性感衣着嚇了一跳，他說：「我唔知佢着呢件衫，佢話要神秘，搞到我走位都唔記得，又唔記得攬佢。」
楊千嬅則以新娘look出場，誰知側田被她挽着獻唱《你的名字我的姓氏》時竟甩嘴，千嬅忍不住用花球敲打他的頭，側田介紹千嬅時說：「佢係我緋聞女友，多謝佢，都要多謝傅穎同周汶錡，佢今次件衫勁過上次。」千嬅聞言笑說：「原來你甩晒歌詞唔係為咗我，係為咗周汶錡。」千嬅指側田面上很多汗，側田就地拾起縐紙抹汗，被千嬅大罵污糟，其後才有工作人員遞上紙巾。
「寧願林苑唔嚟」
早前側田緋聞女友林苑謂不想喧賓奪主，故不來捧場，側田完騷後說：「佢都睇咗第一場，嚟咪影晒佢，我明嘅，我寧願佢唔嚟。」側田緋聞女友眾多，前晚只有梁靖琪到場，問到最想哪位來捧場？側田說：「Janice（衞蘭）啦，話晒未入行就識佢，不過佢唔喺香港。」
採訪：胡比 攝影：仇志德
