上個禮拜一擲3.37億向資本策略買入銅鑼灣耀華街32至40號商廈地盤嘅買家，身份終於曝光。促成單交易嘅高力國際話，買家係國際娛樂集團BigfootEntertainmentGroup。
Bigfoot打算將地盤重建成集團亞太區總部，將分散喺美國加州、歐洲各國及新加坡嘅業務全部集中喺本港，項目經已獲批建1幢26層高嘅寫字樓，08年落成。
大嗱嗱攞3億幾出嚟買地起總部嘅Bigfoot，𠵱家係香港電影電視學院嘅半個股東，亦有喺新加坡同菲律賓等地經營FashionTV。主席MichaelGleissner醉心電影，𠵱家正執導在港拍攝嘅懸疑片《Irreversi》。