香港總商會總裁翁以登做埋呢個月就會過檔星巴克（Starbucks）賣咖啡，負責昅住大中華區業務，咁香港冇得玩（去唔到TDC），咪返祖國囉。翁以登喺總商會今期《工商月刊》，寫咗幾句臨別贈言。登哥話，天下冇不散之筵席，祝香港同總商會繼續進步啦，有緣嘅大家會再見！
登哥喺總商會做咗差唔多九年，佢話呢九年最記得都係九七年五月第一日返工，就要答外國傳媒香港掂唔掂？唔經唔覺就由回歸、金融風暴、屍扒到沙士，睇晒呢幾年香港嘅大事，呢啲真係好難忘，不過佢就冇特別提到世貿，唔知係咪唔記得咗？
八方祝佢未來工作順利，最重要係賣咖啡唔好賣咁盡，記住留番啲畀啲第三世界嘅咖啡農民執啦！
傳真︰2623-9278
電郵︰[email protected]