四月，是一個南北半球同時產蠔的月份。蠔的學名為牡蠣，屬貝類，《本草綱目》中記載：「多食之，能細潔皮膚，補腎壯陽，並能治虛，解丹毒。」現代醫學還認為牡蠣肉具有降血壓和滋陰養血等功能。哇，講到咁厲害，係真唔係呀？我食蠔淨係對邊個地方蠔種好味有興趣，今次貴精不貴多，開業只一個月的新餐廳「Oysters」揀來5款蠔，除了可以生食，仲可以自由揀選用邊隻蠔炮製出滋味蠔菜式。
記者︰方綺君
攝影︰譚盈傑
模特兒︰Cat、Crystal
蠔語錄
澳洲SMOKEYBAY壯陽補陰
多汁肉厚，有淡淡海水味，生長於不受污染的澳洲深海海域，含微量元素，荷爾蒙含量更為蠔中之最，是男性強體、女性補身的健康美食。
澳洲TASMANIA爽脆多汁
在澳洲南邊的Tasmania出產，生長出來的生蠔同樣含微量元素，海水味濃，口感爽脆多汁，大大啖生食最好。
日本珍珠蠔KUMAMOTO 餘韻悠長
細細隻日本生蠔，養殖期長達3至4年。肉質介乎Creamy和爽之間，海水味無咁重，入口後鮮味可停留口腔。
美國SKOOKUM肥大肉厚
生蠔肥美而份量十足，啖啖蠔汁豐富，海水味濃，以焗製、炭燒烹調方法最好。
蘇格蘭LOCHFYNE鮮香偏甜
北海出產，是歐洲人吃蠔的主要品種，味鮮香，偏甜，刺身食法最好。
OysterSambucca$135
和Pommary的做法相同，在蠔上放Topping焗，主要有菠菜和瑞士芝士，酒味較重，但入口甘甜，連汁一同吞，鮮味立時散發，停留在口腔好長時間。
冇老點：美國蠔SKOOKUM，因煮法係焗，貪佢夠大隻。
OysterShooter$55/杯
小小的Shooter杯內有一隻珍珠蠔、Vodka、秘製醬汁和數滴Tabasco，一口飲落肚先是飲烈酒的激烈，還未來得及反應，隨之而來便是蠔的鮮味和秘製醬的味道，飲完㷫烚烚，感覺好得意。
冇老點：食呢個菜啱揀珍珠蠔，因為細細隻啱晒一杯到肚的食法。
生食夠滋味
生蠔吃法有很多，芝士焗、炭燒、串燒等，最有名食法當然是原隻生吞！不需任何調味，數滴檸檬汁就歎到原汁原味，入口即溶的口感。「食生蠔最好即開即食，連埋入面啲海水一啖灌入口，嗒真嗰種鮮味。」總廚Cole醒小記食蠔貼士。我亦聽聞過生蠔夠新鮮，在上面滴檸檬汁，蠔肉會輕微地收縮顫動。店中一款冰鎮生蠔拼盤，Cole說冰鎮到一定程度的生蠔除能保留原味，更能激發甜味，味道落到喉嚨可以停留較長時間。
5種蠔任你點
店內有5種生蠔供食客選擇，包括美國入口，日本品種的珍珠蠔KUMAMOTO、澳洲TASMANIA和SMOKEYBAY、美國蠔SKOOKUM及蘇格蘭的LOCHFYNE。餐廳老闆是蘇格蘭人，當然撐自己友，由於蘇格蘭沿海位處鹹淡水交界，蠔肉呈奶白色半透明狀。餐廳內以蠔烹調的主菜，客人都可以從5款蠔中隨意Order其中一款來烹製，總廚Cole亦會提供最好的配搭食法給食客，盲舂舂對蠔無認識都唔使怕。
OysterPommary$135
用肥大肉厚的美國蠔SKOOKUM最啱，Topping有芥辣醬、洋葱、忌廉和白酒焗，加少許荷蘭芹，味道夠搶，香濃惹味。
冇老點：Order此菜不妨揀美國蠔SKOOKUM，其肉肥厚，焗製後不怕收縮冇肉食。
生蠔拼盤$120/半打
將生蠔冰鎮，冰鎮到一個程度後加檸檬汁和醬汁直接入口，此食法不但能嚐到生蠔的鮮味，原有的甜味更會被激發出來，而且鮮味可以在喉嚨間持續很久。
冇老點：話明係拼盤，除蘇格蘭蠔LOCHFYNE之外，可按個人喜好任意Order餐廳其餘4款蠔。
茄子大蝦$68
顏色鮮艷味濃的前菜，以秘製的Chermonla-SpicedPrawns醬汁、攪碎的新鮮番茄製成茄汁，混合成為TomatoSalsa，加入少許Wasabi調味，增加味道的層次。
鮮蝦汁蟹肉燴意粉$165
意國菜式，秘製醬汁加新鮮蝦肉、蟹肉，車厘茄榨汁和芝士煮成，吃時混和灑在面的香草，軟硬度適中的麵條加香濃醬汁，味道豐富令你食完一啖又一啖。
希臘烤雞$148
地中海菜式，雞件先用香草、大茴香、小茴香、花椒粒、肉桂及辣椒醃，再以慢火焗，因為放入了雪梨酒，所以入口酒香淡淡，和濃郁的肉味配合得天衣無縫。
食客有Say
OystersBar&Restaurant（28779773）
中環蘭桂坊和安里9號
營業時間︰
星期一至五12:00nn-12:00am
星期六6:00pm-2:00am
星期日休息
