陳奕迅（Eason）經常扮鬼扮馬，繼早前以漁夫及披頭四造型為藥廠賣廣告後，Eason再次化身醫神，在廣告中變身孖寶兄弟、克痛武士以及廚神JamieOliver等，被水噴兼夾打生打死宣傳健康訊息，將他演戲才華表露無遺。
陳奕迅於今年年初開始，成為藥廠葛蘭素史克旗下一系列產品的代言人，由於廣告令人留下深刻印象，故藥廠再度邀他合作，在新一系列健康護理產品的廣告中，再次一人分飾多角做醫神。
遇噴水冇怨言
Eason要扮成經典電子遊戲人物孖寶兄弟，任水噴面，當得知要演繹此角色時，他不單毫無怨言，更表現雀躍地說：「因為我自細就好鍾意打機，而我細個第一個接觸嘅遊戲機人物就係佢，所以特別有親切感。」
扮完卡通人物，Eason更將家傳戶曉的「克痛」藥片標誌玩上身，獻出珍藏寶劍，與痛症黑俠大打出手，他化身星戰武士（Jedi）大耍激光劍，由於當中有武打場面，Eason細心聆聽導演講解，以免出錯。
扮廚神夠盞鬼
此外，Eason又扮演靚仔廚師，為大家炮製叻仔餐，而Eason亦將角色發揮得淋漓盡致，從外形至表情都跟英倫靚仔廚神JamieOliver如出一轍，Eason表示自己閒時都有觀看靚仔廚師的烹飪節目，所以在造型上都有給予意見。Eason坦言從小喜歡看電視，特別是廣告，因此整個拍攝過程他都特別投入。
撰文：馮美茵
