國際物業顧問行世邦魏理仕，舊年第一次打入《財富》雜誌1000強榜，排第676位。今年再升46級，進佔630位，另外又首次登上《福布斯》雜誌全球2000強榜，排名係1696。
世邦魏理仕總部設喺美國洛杉磯，連埋聯營公司喺全世界有超過350間辦事處，業務除咗做租售代理外，仲會做企業服務、按揭融資、投資管理、研究分析同投資策略等服務。集團舊年嘅總營業額係29億美金（約226.2億港元），比04年升23%。
《財富1000強》係根據美國公司嘅總收益排名，而《福布斯2000強》則按銷售額、利潤、資產同市值排名。
世邦魏理仕環球主席及行政總裁BrettWhite話，能夠喺呢兩份雜誌上榜嘅都係頂尖企業，集團可以攞到一席位，證明為客戶提供嘅房地產策略有成績。而世邦魏理仕香港區董事總經理及跨國機構投資服務主管杜韋遜就話，香港公司今年新成立嘅跨國服務部，會主力拓展跨國客戶。