【本報訊】屬「靈恩派」與「新紀元運動」混合體的錫安教會，被指規定信眾子女參加「通靈班」。現時兩名兒子分別九歲與十歲的楊子聰稱，該教會曾要求一百多名八至十四歲的會眾子女進行集體冥想，聲稱是學習接收神的訊息，但實質如同通靈。
楊表示，錫安教會一向定期訓練信眾學習名為「恩賜運作」的冥想活動，做法是閉目、摒除雜念，然後接收神的訊息，「可能係顏色、可能係你一個朋友嘅遭遇，總之係一啲啟示。」冥想時信眾會說出古怪語言，「教會高層話呢啲係方言，係神迹，但其實我哋都唔知係乜，只不過求其發音。」
「隨時通咗邪靈」
該活動一向只限成年信眾，「佢哋認為信眾睇到啲訊息，第二日去傳教，就可以跟住啲訊息去搵對象。」然而錫安教會近年安排信眾的年幼子女亦參加，「小朋友有時未識諗嘢，隨時通咗邪靈，就算撇開宗教唔講，都隨時搞到思覺失調。」楊子聰指有關安排持續一個月，「可能佢哋想啲小朋友去傳教。」
香港教會更新運動總幹事胡志偉牧師指，靈恩派主張信眾說方言，認為是與聖靈親近表現，但年紀太小信眾不宜參與，「因為有時可能駁錯線，通咗第二啲靈（邪靈）。」長期研究異端教派的真證傳播總幹事羅錫為牧師稱，冥想與飲雙氧水屬於新紀元運動，並非傳統基督教的做法。