楊婉儀噚日去新城接受訪問，講開佢個十一個月大嘅寶貝女，佢話囡囡𠵱家識叫爹哋同奶奶，都差唔多識行，楊婉儀話：「佢出牙時係咁咬我，咬到我瘀晒，但我失寵呀，佢未識叫媽咪，只係叫到一個媽字。」楊婉儀話佢同老公都心大心細，又想個女快啲識行，可以一家三口出街，但佢聽講細路仔太快識行，第時會苦命，所以唔知點好。