政府未能有效為市民把關杜絕毒菜，消費者惟有設法自保。有小市民索性改吃有機農產品，甚至遠離一切化學添加的日用品：洗澡用鹽不用肥皂、煮飯用糙米不用白米、洗碗碟則用茶籽粉不用洗潔精。
為子女健康只吃有機菜
任職護士的Yvonne，十年前已懂得避開毒菜，「當年我喺報紙睇到一單新聞，話日本有個小朋友患有濕疹，轉食有機菜之後就好番，我兩個細路都有鼻敏感同哮喘，為咗下一代，我就開始淨係買有機菜同有機生果。」Yvonne稱，十年來子女的鼻敏感果然改善了。
由Yvonne把關的葉家是一個經典的有機家庭，把一切化學日用品都摒諸門外。Yvonne洗碗洗地不用洗潔精，只用茶籽粉；洗手洗澡則用食鹽，不用梘液，「沖涼用鹽特別爽，又唔驚皮膚敏感。」
對於兩大超市售賣毒菜，Yvonne反應相當平靜，「一啲都唔意外，呢啲係遲早嘅事。啲商人好無良，佢哋唔諗吓，用咁多農藥污染土地，將來冇土地種到菜，二千蚊都買唔到一斤菜！」她還奉勸現代家長，與其為子女買重保險，不如好好保護地球，為下一代爭一口清新空氣。
本報記者