平日食開嘅木瓜都係大大個，買一個返屋企都要分幾次先食得晒，不過近期當造的夏威夷木瓜仔，只有手掌咁大，食落比平日嘅木瓜更香甜。而揀的時候最緊要有彈性，如果拎上手感覺較硬身，則可放在室溫中待幾日，這樣就會變得更有彈性。不過每個人的喜惡都唔同，若果想食落爽口，可以揀一些表皮帶少許綠色的木瓜。另外，從木瓜的形狀大細亦可以睇到內裏的核多與少，長身的木瓜核較少，而肥大的則核較多。
大部份人諗起木瓜都只會諗到豐胸的作用，其實木瓜亦有助健脾消滯，因為木瓜中的木瓜蛋白酶，能消化蛋白質，幫助食物消化和吸收，不過每次亦不宜吃太多。而木瓜除咗可以生吃之外，將它切成薄片煲湯或糖水，鹹甜皆可。