許冠傑（阿Sam）兒子許懷欣昨日到新城接受訪問，他透露其新歌《開竅》已派台，新碟預計在七月推出，他說：「𠵱家做咗六首歌，其中一首係英文歌，我自己填詞，會搵朋友填番中文詞，我爹哋都會幫我填一首歌詞。」
爹哋重私隱
許懷欣表示其弟許懷谷也會幫手拍MV，他則落力宣傳，許懷欣說：「呢排我會做多啲電台訪問同校園表演，仲會做Soler演唱會嘉賓。」
提到許冠傑早前缺席姪女許思行的婚禮，因而被指與家人鬧不和，許懷欣否認說：「唔係呀，我爹哋今年有好多project做，明年可能再開演唱會，而且佢不時都有同家人食飯㗎，不過佢鍾意private（私人）。」問到阿Sam是否怕搶一對新人鏡？許懷欣說：「可能嘅，大家都想enjoywedding啫。」
採訪：駱華齡