上星期的武夷山之行，最開心除咗係可以品嚐到地道美食和欣賞到當地的美麗風景外，最正斗還是我們離開當天，可以跟一班福士Touareg車主走到酒店附近的一塊大空地，齊齊感受一下Off-road係咩Feeling。
那天早上一行人在酒店吃過早餐後，便浩浩蕩蕩出發前往場地，當一班車主看見目的地時都難掩心中興奮之情，紛紛用對講機大叫：「正呀！」後來大家在甚有玩越野車經驗的敬哥和代理大員Danny帶領下，一齊由公路駛入泥路，過程驚險萬分，有車更因車速太快而令左頭胎被尖尖的石頭刺穿，被迫要換上後備輪胎；好不容易才到達「平原」，但又有隊員因過於興奮，令車子被「洪水」或「泥沙」圍困，要勞煩其他隊員幫手將車拉回「地面」。稍事休息後，大家便開始玩Off-road，有的去爬小山坡，有的去玩甩尾掟來掟去，個個好似越野車手ColinMcrae上身咁，全車唔鋪滿泥都唔肯收手，但我覺得最開心唔係一班「車手」，而係旁邊圍觀的人，雖然玩到泥濘滿天飛，但大家也不忘拍照或Video留念，還說三道四評評那位表現最出色，真開心！
有件事我一定要同大家講，旅程中我最後也沒有問過那些打電話來或拍門的按摩女郎是否正經，謝謝車版主編的關心！哈哈！
Dennis寫於香港