巴西球星羅馬里奧所角逐嘅聯賽水平愈嚟愈差，但唔代表無新聞。佢前日本來為美職聯次級聯賽隊邁亞密FC作處子演出，但賽前又拉傷小腿冇份踢，係人都知佢係因為同原屬球會華斯高嘅高層唔妥，至俾人掟去美國，今次處子演出失敗，認真唔吉利。講時講，呢場波無佢份，邁亞密FC一樣贏波，呢個名將在陣與否，怕且都唔慌重要。