黃家強、盧巧音（Candy）和鄧健泓昨日到銅鑼灣出席屈臣氏世界自然基金會籌款活動，呼籲遊人做善事，曾跟家強傳過緋聞的Candy，竟未知對方的婚訊，她說：「我好少睇雜誌，我都未見過家強個未婚妻，有機會約食飯見面。」問到Candy何時會披嫁衣，她笑說：「如果係我都會訂婚先，不過唔會𠵱家，做埋嘢先啦！」
「今年一定結」
家強表示早前求婚成功，他說：「好浪漫，不過好老套，老套到唔想講，我搵咗個特別日子，大家好記，會珍惜啲，當日有花，呢個唔係主角，戒指係求婚象徵，一定要有，但係我想低調，今年一定結，不過唔喺香港，我比較鍾意秋天搞。」家強表示生BB會順其自然，被問到婚前會不會身體檢查，他忽然很大反應的說：「我仲好後生，我好潔身自愛。」
採訪：楊潔雯
攝影：林德雄