林苑及郭芯其昨日於馬鞍山出席「TouristTrophy夢幻鐵騎之旅」活動，大會安排她們即場騎小型電單車，本身連單車都不會騎的林苑只好用雙腳推行，而郭芯其起初表現得駕輕就熟，可惜最後竟失手，轉彎時不慎「片低」，幸好未有受傷，林苑表示於內地讀書時家人常以電單車接她放學，故通常只坐車尾。
用心支持側田
對於緋聞男友側田明晚舉行加場演唱會，問林苑會否再到場撐好友時，她說：「今次唔去喇！大家近排都好少通電話，都唔知有冇飛？即使有飛都唔會攞，上次去捧朋友場俾人咁寫，我唔想搶鏡，而且坐邊都會俾人影到，所以今次用心支持就得。」
此外，吳國敬昨日接受商台電話訪問表示，前晚找來林苑為《奧運北京》唱Demo，阿敬表示譚詠麟負責唱頭句，之後便是群星合唱，而中港台三地歌手會分別灌錄三個版本。
撰文：林妃