漢堡嘅伊朗球員馬達維基亞因頂唔住女色，犯咗重婚罪，仲畀二奶告，但「馬生」嘅做法男士們千祈咪學。事關「馬生」買俾二奶間屋只同大婆距離2公里，已經夠蠢；仲要帶二奶畀兄弟過目，卒之東窗事發！二奶介紹自己係「馬太」，點知啲兄弟單純到話點解「馬太」唔同咗樣！二奶如夢初醒，要錢洗傷口。求大俠覺得都係珍惜眼前人啦！