舒淇早前穿上Chanel春夏新裝任雜誌封面女郎，在訪問中她大談對電影的看法，體會到演員是一張白紙，要尊重導演的意見，不再堅持己見。她還謂希望有機會飾演一些如阮玲玉這類傳奇人物，還想參與張藝謀執導的電影，認為是挑戰。
舒淇擔任最新一期生活潮流雜誌《Zip》封面女郎，她穿上法國時裝品牌Chanel的春夏新裝，展露其獨特又驚艷的sexy香奈兒氣質。
發揮另一個我
日前剛三十歲生日的舒淇，在訪問中大談拍攝電影對她的影響，其中她獲得金馬影后的《最好的時光》更有所得着，她說：「拍攝時幾乎精神分裂，呢套戲係同侯孝賢第二次合作，第一次喺《千禧曼波》只做番自己，《最好的時光》就要以迎合劇情需要嘅方式演繹，唔係拍攝時都要保持同一心情，嚴謹得多。
「但咁樣竟然觸及咗另一個境界嘅舒淇，可以發現同發揮到自己另一面，係最好嘅bonus。」舒淇還謂希望可以拍內地導演張藝謀的電影，她說：「因為覺得演佢嘅戲，會經歷另一種體驗，甚至係挑戰。」但可惜張藝謀因為○八年奧運會開閉幕式擔任總導演而向奧組委作出承諾，兩年內都不會接拍新片，故舒淇還要等一等。
另外，舒淇在訪問中還表示希望在電影角色上多一點突破，她說：「我都想飾演好似阮玲玉呢類有血有肉、有過去嘅傳奇人物。」
導演繪畫角色
拍戲多年，舒淇也改變了對電影的看法，她說：「講到底演員係一張白紙，畀導演繪畫，以前我淨係按自己去演，導演唔同意時，我都堅持己見，經過呢幾年明白到其實導演先可以清晰睇到全部畫面，所以𠵱家我會尊重導演意見。」
撰文：RitaLeung