無綫最近播出的節目《向世界出發》，吸引一百七十多萬觀眾收看，成績理想，無綫已籌備添食拍第二輯。林莉早前有幸拜訪黑牙族及大耳族，令她眼界大開，而葉翠翠得知無綫有意拍攝新一輯節目時，即自薦參與。
無綫昨日在奧海城舉行《向世界出發》圖片展覽，有份拍攝特輯的藝人羅蘭和林莉聯同應屆港姐葉翠翠、陸詩韻及監製鄧婉媚一同主持揭幕儀式，並且祝酒慶祝節目最高收視達二十七點，約一百七十多萬觀眾收看。
周汶錡談整容
早前有份赴泰北拍攝的林莉，在會上表示此行令她大開眼界，亦感到非常榮幸，她說：「真正見識到大家都覺得好神秘嘅黑牙族同大耳族，當地人認為擁有大耳窿同黑牙先算靚，我原本都想試吓好似佢哋咁搽黑啲牙，但又驚整唔番白，所以最後都冇試。」
監製鄧婉媚表示節目收視理想，現已籌備拍攝新一輯，她說：「嚟緊會再搵唔同嘅藝員去唔同地方，盡量發掘多啲令觀眾意想不到嘅嘢，好似之前周汶錡見證咗嘅長頸族，其實係最古老嘅整容一族嚟，佢都會喺節目親身講佢點睇整容呢樣嘢。」
近期四出招募新一屆港姐招募的葉翠翠，得知節目添食後，即考慮自薦參與，她說：「可以自薦我都唔介意，每個地方我都好有興趣去，尤其係睇家英哥嗰輯，覺得好感動。」
採訪、攝影：卓美娟
