劉德華昨日到港台接受訪問，數十名fans為見偶像聞風而至，主持周國豐更大爆華仔有個深圳瘋狂fans，多年來以華仔女友名義寄信及打電話到港台，要求代為聯絡華仔。
留長髮演古裝
華仔聞言鬼馬地笑說：「你點知係假？你估唔到我對女友咁冷酷呢？哈哈。」華仔又透露不時有fans到其公司自稱劉太，要求職員請他出來見面，令他經常被員工取笑「咁風流」。亦曾有日籍fans拖着行李篋到華仔家門前直接對保安說：「幫我拎啲行李入去。」華仔表示曾多次勸喻該名女fans，但她依舊出現在他家門前。
談到甩頭髮向來是男人大忌，華仔自言沒有特別護理，幸現時亦只得十多根白髮，問到他若出現地中海危機時能否接受？他說：「出現都冇法，唔需要太介意，或者可以將頭髮顏色轉淡啲。」而為了接拍古裝戲，華仔表示計劃留長頭髮，避免戴頭套時造型太假。
採訪、攝影：馬建華