鄭嘉穎昨日到尖沙嘴出席復活節傳情音樂會，他表示已多年沒有演出商場騷，而在場亦有不少fans向他索取簽名及要求合照。日前鄭嘉穎被拍下與一名女性外出，他無奈地表示該名女性是他的表妹，他說：「我真係開始覺得有啲煩啦，我都講呢個表妹已經結咗婚而且有三個仔女，𠵱家連我阿媽都怕咗同我出街，上次同佢去銀行都俾人影。」
搬屋懶理景色
此外，鄭嘉穎慨歎於家中的天台拜祖先都被人偷拍，所以他再搬屋的話，也不要求有優美的環境，他說：「我搬屋嘅話都唔使理個view靚唔靚啦，我長期都拉埋窗簾，有時都係拉開少少，睇吓出面天氣點，本來我諗住有天台就方便夏天曬太陽，𠵱家一定唔會。」
採訪、攝影：李珮洳