西漢時代的匡衡，讀書要鑿壁偷光，想不到在二十一世紀的香港，仍有學童要靠蠟燭照明溫習。「蠟燭好暗，睇得好辛苦，搞到我成日寫錯字。」在微弱燭光下，樂仔向記者道出他的苦況。
十二歲就讀中一的樂仔，生於破碎家庭，父親因犯事入獄，他與患精神病母親相依為命，母子生活在貧窮線下。「我覺得好對唔住個仔，佢出世到𠵱家都跟住我捱苦，我乜嘢都畀唔到佢。」樂仔母親阿英眼紅紅說。
失去唯一娛樂
三十八歲的阿英，十二年前誕下樂仔不久，丈夫便鋃鐺入獄，她從此身兼父職，獨力照顧兒子。阿英因為抵受不住壓力，未幾即患上精神病，她因為失去工作能力，兩母子申領綜援金過活。由於丈夫入獄前欠下巨債，身為擔保人的阿英，多年來一直代夫還債，以致生活極為貧困，她表示︰「每個月還債之後，我兩母子就得番千幾蚊，生活都應付唔到，更加冇錢交雜費。」
阿英大半年前已被電力公司中斷電力供應，令樂仔要摸黑做功課，更加失去唯一的娛樂。「冇電無得睇電視，做完功課之後，我就行行企企冇嘢做，所以我好想屋企快啲有番電。」樂仔說。
奈何樂仔的願望，非母親能力可以達成，阿英泣訴︰「為咗呢件事，我好心煩，早兩日想唔通，打過電話去撒瑪利亞防止自殺會，係佢哋建議我搵蘋果基金幫手。」
蘋果日報慈善基金了解過阿英處境，撥款二千元紓緩其當前困境，並協助她聯絡電力公司，安排重新恢復電力。
捐款編號︰C2003
暖流熱線
電話：29908688
傳真：23702192
電郵：[email protected]
網址： http://www.charity.atnext.com