英超球隊車路士喺上周五搞咗個「球迷之夜」，球迷畀85鎊（約1,160港元）就可以喺高級酒店同班球星共晉晚餐，並睇到泰利獲頒今屆車路士球迷先生獎。點知，班球星喺食完頭盤，就連同領隊摩連奴拉隊走人，球迷都覺得俾球會搵笨同埋掠水！不過，車仔發言人重好厚顏咁話冇接到任何投訴，又話球員要早走，係因為要備戰對保頓嘅聯賽喎！