網上視像電話已經唔係咩新鮮事物，香港周街抵玩無限寬頻，真係長時間同外地女朋友煲電話都唔肉赤！話說喺噚日，去咗外國讀書嘅細妹，終於肯裝番個《YahooMessenger》，同電腦男玩吓視像，點知佢搞咗一輪，叫做成功設定好晒防火牆、音效卡等Setting，滿頭大汗等住睇大家個樣時，發覺Lag得好勁，幾秒先「郁」一格，聲畫完全唔同步，鬼咁失望，仲賴電腦男冇用！
查實網絡快慢，由好多因素組成，雖然大部份你都控制唔到，不過電腦男教咗細妹一招「回魂大法」，將WindowsXP偷偷收埋嘅20%頻寬攞埋出嚟！雖不致令視像畫面谷到30fps咁高境界，但玩落已暢順得多，似番個實時對談嘛！
呢招回魂大法喺幾年前已出現，不過到𠵱家都唔係好多人知，今日電腦男順便公開埋，等大家上網、下載都爽快啲吖！不過先旨聲明，WinXPHomeEdition唔啱用，要增強咗網絡功能嘅Profressional版先得㗎。
1.在左下方「開始」中揀選「執行」。
2.輸入「gpedit.msc」啟動群組原則編輯器。
3.順序雙Click「電腦設定」>「系統管理範本」>「網路」>「QoS封包排程器」。
4.在右邊視窗中雙Click「限制可保留的頻寬」
5.選擇「已停用」，再重新啟動電腦便可。
4月17日 心情：愉快