兒時跟爸媽外出，最愛看的東西不是百貨公司櫥窗內的玩具，而是在道路上行走的汽車，而當中又可以吸引到我，除了是大大部的雙層巴士，就一定係寶馬的3系，原因一字咁淺：「型，MyFavourite！」後來長大了，每逢11月皆會在家中坐定定收看澳門格蘭披治大賽，那時還未更改賽例，A組的賽車仍可參賽，所以當年寶馬M3便是這項比賽的常客，我也因而移情別戀，走去愛上了M3！
不論在賽道抑或是街道，也是當上「瘋子」的寶馬M3，誕生於1986年，當年初推出已廣泛被傳媒讚好，最大原因當然係佢個裝晒包圍嘅造型，還有Sporty得很嘅車廂，真係搞到人哋一望就知佢係一部不好惹的跑車！不過全車的最大賣點，還是頭冚下一台2.3公升引擎，馬力有幾多？答案係200匹，再加埋24.5kgm/4750rpm的強大扭力，還有Close-ratio5前速手波，你想佢慢都真係有啲難度。後來，寶馬再推出M3SportEvolution，引擎改用2.5公升型號，馬力輸出亦因此增至238匹，快哩！
記者：鄭達基
