喺香港大學界中籌款了得嘅港大校長徐立之，噚日出席商台節目時，就慨歎香港社會仍未熟悉大學捐獻文化，早排仲因港大校友唔滿意醫學院加上李嘉誠之名，鬧到滿城風雨。徐校長話，大學同捐款人建立夥伴關係唔等於勾結，捐款人支持大學，係希望幫助本地學術發展，呢種做法喺外國已經非常普遍。
至於做咗港大校長三年半嘅徐立之，做埋餘下一年半後會唔會做多五年校長，佢就笑住講話自己合約仲有一年半就滿，而佢好願意繼續為香港服務喎。雖然校長未講續咗約未，八方之前聽港大啲校董講，下屆校長都係非徐立之莫屬，只係最怕佢俾其他大學撬走！
傳真︰2623-9278
電郵︰[email protected]