自從殼王陳國強同葉璇嘅緋聞沸騰過一陣之後，佢就不時陪老婆出入公開場合，前晚殼王又同老婆喺蘭桂坊出現，同行仲有陳百祥同黃杏秀，兩對夫婦各自拖晒手晒恩愛，喺蘭桂坊行落鏞記等車，睇嚟應該一齊食完飯走人。阿叻一見記者影相就奉上笑容，殼王夫婦亦都冇避忌，企定定任影，不過企定之後就唔再拖手，殼王雖然合作，但就木無表情，唔知係咪有心事呢？