公民黨開咗檔成個月，都搵唔到大水喉放水，大有機會成為香港最短命嘅政黨！湯家驊話，目前係靠黨核心自己科水，成個黨目前得廿萬多啲，但每個月嘅開支約十萬，如果再撲唔到水，頂多兩個月就清袋，真係要諗諗計，睇吓點樣撲水。
Ronny話，星期二就要簽約租黨總部，又要畀三個月按金、一個月租金，仲要裝修同買器材，加埋A45報，每個月都要用六、七萬，佢哋諗緊搞步行籌款、遊藝晚會、籌款晚宴，真係要搵毛孟靜幫手度度。
總部將會設喺灣仔，預計個幾月後正式開工大吉。Ronny話，到時點都要請啲高官及友好開幕。八方建議Ronny，一定要請晒特首同所有高官，咁就一眼睇得晒邊啲搞親疏有別，邊個係親賢人、遠小人囉！
傳真︰2623-9278
電郵︰[email protected]