經過車震事件後非常低調的梁榮忠，昨日在九龍灣會展的玩具展銷會攤位擺賣，忠仔更以明星效應促銷二手玩具，對於客人的要求，忠仔亦有問必答來者不拒，早前表示有意退出娛樂圈的他未知是否有意轉行賣玩具。
梁榮忠自從去年發生車震事件後變得十分低調，雖然事件得到無綫力撐，但忠仔對於當時種種負面新聞，曾一度表示有意退出娛樂圈，自從月前拍罷無綫劇集《非常外母戇姑爺》後，忠仔一直處於休息狀態。
有問必答好生意
昨日忠仔竟然以一身平民look出現九龍灣會展舉行的玩具展銷會，與一名男性友人齊齊擺攤位賣二手玩具。忠仔雖然打扮樸素，側孭收錢袋，面上更貼上暗瘡膠布，但依然被不少途人認出，現場所見忠仔表現得十分親民，不時向客人介紹玩具，對顧客的問題亦有問必答，當被途人認出要求合照時，亦來者不拒，實行以明星效應促銷，而當日就記者所見，忠仔的攤位亦客似雲來。
成屋玩具擺唔晒
對於記者的出現忠仔顯得十分愕然，但依然保持禮貌，他說：「今日我只係做自己鍾意啲嘢，所以冇乜嘢想講。」問到他是否有份投得攤位時，忠仔說：「我朋友喺度擺，咁我咪攞自己啲玩具出嚟賣囉，因為我屋企有好多玩具，買到都就快擺唔晒，咁我唔放啲舊嘅，又點可以買番啲新玩具呢？不過我今日都只係攞咗三分之一出嚟賣。」
採訪、攝影：王崇穎
