消費者委員會提醒市民，作預繳式消費時應衡量風險，不要一次過購入大量套票，以免造成不便或損失。有讀者便因一家西餅店門市數目銳減，欲以餅卡換餅時，大為不便。
共值二百餘元
居於馬鞍山的張太向本報投訴，指金龍船餅店的西餅券難以兌現。她說：「啲餅卡係我個妹畀我嘅，年幾前佢見有優惠，加上餅店門市多，就一次過買咗十幾張，分畀自己人。點知我發覺屋企附近間金龍船餅店冇咗後，跟住張卡背面嘅電話打，點知打足三十幾間，大部份冇晒！𠵱家我同個妹夾埋仲有五張餅卡，每張四十幾蚊，都唔知點算！」
金龍船餅店大股東、東成控股發言人指出，金龍船餅店位於太子彌敦道聯合廣場門市，可供客戶換領西餅；另外因應銷售策略重整，該公司正尋找可供設立製餅工場的店舖，開設新餅店。發言人指出，現時金龍船餅店正進行一項試驗計劃，市民持未兌換餅卡，可到五間金龍船酒樓當作現金消費，持有未兌換金龍船餅卡市民，可致電：26613281查詢詳情。
檔案編號：0403059
精明消費：避免購大量套票
消費者委員會發言人提醒市民，作預繳式消費時，需要留意風險。發言人說：「市民作任何種類嘅預繳式消費，都應該避免一次過買大量套票，同埋考慮自己係咪可以短期內用晒，唔好貪平一次過買太多，否則有關公司如果突然執笠，可以追討嘅機會好微。」
蘋果投訴熱線：29290000
社會服務熱線：29908288
傳真：23702192
電郵：[email protected]