胡杏兒昨日去到荃灣，替其任代言人的護膚品主持分店開幕儀式。為拍攝新劇《肥田囍事》而積極增肥的胡杏兒，身形明顯比以前圓潤，穿上娃娃裝的杏兒上圍豐滿，更惹來一陣凸點疑雲，杏兒笑謂：「我冇咁勁，仲未肥到嗰度，件衫嗰度係個摺位，唔係真嘅。」
拒絕塞嘢
杏兒表示，雖然已經由一百零八磅增至現在的一百二十磅，但仍未達到她的目標，她說：「做埋呢幾日嘢，我會閉關養豬，公司原先想我喺個身度塞啲嘢扮肥，但係我想自然啲，所以堅持增肥。」杏兒為新劇犧牲增肥，短期被迫推掉其他工作，她說：「犧牲雖然好大，但係近排已經有纖體公司搵我，套劇出街之後，又可以東山再起。」
採訪：張俊銘
攝影：陳俊強