本港所有銀行設立的櫃員機，均以「先取卡、後攞錢」方式運作，銀通副總經理曾憲求表示，若把操作情況倒轉，先取錢後取卡，引起的後遺症可能更大：「啲客連錢都可以唔記得攞，何況係張卡？經驗話畀我哋聽，若唔記得攞卡，肯定大件事過唔見錢。」
內地兩機款均有
曾憲求解釋，香港業界對此早有共識，客戶每次用櫃員機提款後，要繼續用櫃員機服務，仍需先取卡拿錢，然後再度入卡及重新輸入密碼，才能繼續操作櫃員機。某些國家採取相反方式，讓客戶取款後可繼續其他操作，內地則兩種機款均有，令客戶容易混亂。
曾憲求認為此舉有不少缺點：「如果有人攞錢後留低張卡喺機度，後來者可以做好多嘢，損失可以無限大，為保障個客，一定唔可以咁做。」